'డియర్ కామ్రేడ్' హిందీ వెర్షన్ .. 2 వారాల్లో 6 కోట్లకి పైగా వ్యూస్

విజయ్ దేవరకొండ కథానాయకుడిగా భరత్ కమ్మ దర్శకత్వంలో 'డియర్ కామ్రేడ్' రూపొందింది. రష్మిక కథానాయికగా నటించిన ఈ సినిమా, తెలుగులో ఆశించినస్థాయిలో ఆదరణ పొందలేకపోయింది. కాకపోతే కొన్ని చోట్ల జాగ్రత్తలు తీసుకుని ఉంటే, ఈ సినిమా హిట్ కొట్టేదనే అభిప్రాయాలు వ్యక్తమయ్యాయి. అలాంటి ఈ సినిమా హిందీ డబ్బింగ్ వెర్షన్ ను 2 వారాల క్రితం యూట్యూబ్ లో పెట్టారు.

2 వారాల్లోనే ఈ సినిమా 6 కోట్లకి పైగా వ్యూస్ ను రాబట్టడం విశేషం. 'అర్జున్ రెడ్డి' సినిమా నుంచే విజయ్ దేవరకొండకి ఇతర భాషల్లోను అభిమానులు పెరుగుతూ వస్తున్నారు.'అర్జున్ రెడ్డి' సినిమాను హిందీలో రీమేక్ చేసే సమయంలోను ఒరిజినల్ చూసి, విజయ్ దేవరకొండకి అభిమానులుగా మారిపోయారు. ఈ కారణంగానే తెలుగులో అంతగా సక్సెస్ ను సాధించని 'డియర్ కామ్రేడ్' .. హిందీ డబ్బింగ్ వెర్షన్లో యూ ట్యూబ్ లో ఒక రేంజ్ లో దూసుకుపోతోంది.